Педагогика ва психология Бакалавриати

Халқаро ўқув дастури бўйича тузилган мазкур таклиф этилаётган бакалаврлик даражаси халқаро квалификацияга эга бўлган мутахассисларни тайёрлашга мўлжалланган.

Контракт нархлари (1 йил учун):

• 17 000 000 сўм (кундузги таълим - стипендиясиз) - 50 БҲМ (Базавий ҳисоблаш миқдори)
• 11 220 000 сўм (сиртқи таълим) - 33 БҲМ (Базавий ҳисоблаш миқдори).

Дастур мақсади:

Замонавий таълимга педагогик диагностика прогрессив арсеналига эга бўлган, натижаларни миқдорий баҳолашнинг инструментал усулларидан ўқув ва тарбия ишларини такомиллаштириш захираларини топиш воситаси сифатида фойдалана оладиган ўқитувчилар етказиш.

МАШҒУЛОТЛАР ТУРИ:

Маърузалар, кичик гуруҳларда машғулотлар, жамоавий лойиҳалар, таълимий семинарлар, кейс воркшоплар, амалий машғулотлар.

ЎҚИШ ДАВРИ:

Октябрь – Июнь (Анъанавий Ёзги қабул).

ЎҚИШ ВАҚТИ:

Душанба – Шанба, тахминан 9:00 – 20:00 (Дарс жадвали академик йил бошида аниқ эълон килинади).

Кундузги таълим учун талаблар:

Миллий гуруҳ (Ўзб), дарслар ўзбек тилида олиб борилади.

Имтиҳон фанлари:

• Биология бўйича тест;
• Она-тили ва адабиёт бўйича тест (ўзбек тилида).

• Қабул танлов асосида амалга оширилади, юқори балл тўплаган абитуриентлар талабаликка тавсия этилади;
• Диққат!!! Кириш имтиҳонларини муваффақиятли топширгандан сўнг, абитуриент махсус комиссия суҳбатидан ўтиши ҳамда мантиқий тест синовидан ўтиши лозим. Барча босқичлардан муваффақиятли ўтган абитуриент кундузги таълимга грант асосида ўқиши мумкин бўлади.

 Сиртқи таълим учун талаблар:

 Диққат!!! Мазкур таълим йўналишларига сиртқи таълим шакли бўйича ўқишга таълим тизимида педагогик фаолиятга оид камида беш йиллик иш стажига эга бўлган шахслар қабул қилинади (ПҚ-289). Сиртқ таълим шакли бўйича ўқиш истагида бўлган шахсларнинг таълим тизимида камида беш йиллик педагогик иш стажига эга эканлиги «Ягона миллий меҳнат тизими» платформасида аниқланади.

Миллий гуруҳ (Ўзб), дарслар ўзбек тилида олиб борилади.

Имтиҳон фанлари:

• Биология бўйича тест;
• Она - тили ва адабиёт бўйича тест. 

• Қабул танлов асосида амалга оширилади, юқори балл тўплаган абитуриентлар Институтга ўқишга кириш эҳтимоли юқоридир.