“Ekofaol yoshlar” loyihasi doirasida ekologik aksiya o‘tkazildi
Joriy yilning 18-aprel kuni ISFT institutining 40 nafar faol talabalari ishtirokida Parkent tumani, Nevich qishlog‘ida joylashgan “Qizil soy” dam olish maskanida ekologik aksiya tashkil etildi.
Aksiya doirasida talaba-yoshlar hududni obodonlashtirish ishlarida faol qatnashib, atrof-muhitni turli chiqindilardan tozaladilar. Tadbirning asosiy maqsadi — yoshlar o‘rtasida ekologik madaniyatni oshirish, tabiatga ehtiyotkor munosabatni shakllantirish va ekologik toza muhitni rivojlantirishdan iborat.
Shuningdek, ishtirokchilarga chiqindilarni to‘g‘ri saralash, ekologik muammolarning oldini olish hamda yashil hududlarni ko‘paytirish bo‘yicha foydali tavsiyalar berildi.
Tabiatni asrash — har birimizning burchimiz!