ACCA haqida
АCCА, Сертификатланган Дипломли Бухгалтерлар Ассоциацияси, Буюк Британия
АССА – бу молия ва бухгалтерия соҳасидаги энг юқори малакали мутахассислар ассоциацияси. Ассоциациянинг мақсади – бухглатерия ҳисоби, аудиторлик, молия ва менежмент соҳасида муваффақиятли мавқега интилаётган дунёдаги ишбилармон, қобилиятли ва ғурурли инсонларга энг маъқул малакаларни таклиф этиш. Ассоциация бугунги кунда 181 мамлакатдан 227 000 нафар аъзони ва 544 000 талабани бирлаштириб, уларга зарур бизнес кўникмаларни ўргатган ҳолда муваффақиятли мавқега эга бўлишга кўмак бермоқда.
АCCА дунёнинг 101 мамлакатида офисларига эга бўлиб, 7291 та аккредитатсиядан ўтган иш берувчилар билан ҳамкорлик қилади. Шунингдек, АCCА фаолияти Халқаро молиявий ҳисобот стандартлари фонди кенгаши IFRS (International Financial Reporting Standards) томонидан тўғридан тўғри мувофиқлаштириб борилади. IFRS Халқаро молиявий ҳисоботи стандатрларини ишлаб чиқиш бўйича етакчи орган бўлиб ҳисобланади.
Нима учун АССА? Ўзбекистонда АССА касбий малакасига эҳтиёж борми? Нима учун АССА?
Шубҳасиз!
АCCА малака квалификатсияси МҲХС (Молиявий Ҳисоботлар Халқаро Стандартлари ) бўйича молия, бухгалтерия ҳисоботи ва аудиторлик соҳасида касбий билими, кўникма ва малакалар, шунингдек, касбий қадриятларни таъминлашга қаратилган. АCCА квалификатсиясининг мавжудлиги молиячи мутахассисларга исталган соҳада муваффақиятли мавқега эришишда ёрдам беради: улар давлат ёки хусусий секторда, бухгалтерлик фирмасида, хорижий компанияда ишлаши ёки ўз шахсий бизнеси билан шуғулланиши мумкин.
2020 йил 24 февралдаги ПҚ-4611-сон қарорларига мувофиқ банк ходимларини АCCА (Сертификатланган Дипломли Бухгалтерлар Ассотсиатсияси) халқаро бухгалтерлар тайёрлаш дастури бўйича ўқитиш 2018 йилдан бошлаб банкларда ўттказилиши кўзда тутилган Комплекс чора-тадбирлар (биринчи буйруқнинг №1 иловаси, 45-банди) киритилган. Ушбу комплекс чора-тадбирлар 2017-2021 йилларда Ўзбекистон Республикасини ривожлантиришнинг бешта устуров йўналишлари бўйича Ҳаракатлар стратегиясига киритилган. Мазкур қарорнинг 30-бандида тижорат банклари томонидан банкларни молиявий барқарор ва рақобатбардош, илғор амалиёт ва халқаро стандатрлар асосида фаолият юритвчи муассасаларга сифатли ўзгартиришга йўналтирилган узоқ муддатли ривожлантириш стратегиясини ишлаб чиқишга катта аҳамият берилган.
Халқаро аудит (ХАС) ва молиявий ҳисоботлар стандартлари (ХМҲС) ни ўзлаштириш АCCА дастури бўйича таълим олишининг салмоқли ютуқларидан яна бири ҳисобланиб, битирувчиларни ушбу стандатрлар бўйича профессионал даражада ишлашга тайёрлайди. Ушбу йўналишлар Ўзбекистон Республикаси Президентининг 2018 йил 19 сентябрдаги «Ўзбекистон Республикасида аудиторлик фаолиятини янада ривожлантириш чора-тадбирлари тўғрисида» ПҚ-3946-сон Қарорида акс эттирилган вазифалар ижросини таъминлашга хизмат қилади.
ACCA дастури бўйича ўқишни тугатгандан кейин иш топиш мумкинми?
Осон.
«2020 йил – тадбиркорлик субйектлари учун ХМҲС (Халқаро молиявий ҳисоботлар стандартлари)ни қўллашга (мутахассисларни ХМҲС бўйича ўқитиш, ҳисобот сиёсатини ишлаб чиқиш, IT-тизимларининг ХМҲС бўйича ҳисобтларни тайёрлаш учун мувофиқлигини таҳлил қилиш, шунингдек, бизнеснинг ХМҲС талабларига мувофиқ ўзгаришларга тайёрлигини баҳолаш) ўтиш даври бўлиб ҳисобланади.
2021 йил 1 январдан бошлаб жамоавий манфаатлар учун хизмат қилувчуи юридик шахслар (аксионерлар жамияти, тижорат банклари, суғурта ташкилотлари ва йирик солиқ тўловчиларга кирувчи юридик шахслар)нинг маълум бир рўйхати ХМҲСни мажбурий қўллашга ўтказилади. Мазкур шахслар 2021 йил охирига қадар ХМҲСни сифатли қўллаш учун бухгалтерия хизматлари ходимлари сонини 3 тадан кам бўлмаган мутахассислар билан етарли даражада таъминлашлари керак.»
«Ўзбекистонда халқаро молиявий ҳисоботлар стандартларини (ХМҲС) жорий қилиш», бўйича ҳужжатдан олинди.
Ўзбекистон Республикаси Молия вазирлиги.