Norov Shaymardon Omonovich tomonidan tayyorlangan “Migratsiyaning ijtimoiy ong oʻzgarishiga ta’siri va uning etnomadaniy xususiyatlari” mavzusidagi falsafa fanlari bo‘yicha falsafa doktori (PhD) dissertatsiyasi muhokama etildi. Tadbir davomida ilmiy rahbar Xidirov Mustafo Toyirqulovich (falsafa fanlari doktori (PhD), dotsent) tomonidan olib borilgan ilmiy rahbarlik yondashuvlari, shuningdek, taqrizchilar – Ruziyeva Ruhsora Xodiyevna (falsafa fanlari doktori, professor) va Kadirova Dilbar Solihovna (falsafa fanlari nomzodi, professor) tomonidan bildirilgan ilmiy mulohazalar tinglandi. Dissertatsiyada migratsiya jarayonlarining ijtimoiy ong va etnomadaniy o‘zgarishlarga ta’siri tahlil qilindi, mavzuning dolzarbligi ishtirokchilar tomonidan alohida ta’kidlandi.

Shundan so‘ng, Hamroev Nusrat Ixtiyorovich tomonidan tayyorlangan “Muhammad Abdo ijtimoiy-falsafiy va diniy-axloqiy qarashlarining XX asr arab falsafasi rivojidagi o‘rni” mavzusidagi dissertatsiya muhokamasi o‘tkazildi. Ilmiy rahbar sifatida Xolmo‘minov Ja’far Muxammadievich (falsafa fanlari doktori (DSc), professor) faol ishtirok etdi. Taqrizchilar – Muhammadjon Qodirov (falsafa fanlari nomzodi, professor) va Djo‘rayev Anvar Muxamadiyevich (falsafa fanlari nomzodi, dotsent) o‘z fikr-mulohazalarini bildirib o‘tdilar. Muhokama jarayonida Muhammad Abdoning XX asr arab falsafasidagi o‘rni, uning ijtimoiy va diniy qarashlari muhim manbalar asosida yoritilgani qayd etildi.

Ikkala ilmiy muhokama ham yuqori saviyada, ilmiy mezonlarga asoslangan holda o‘tkazildi. Dissertatsiyalar kengaytirilgan kafedra yig‘ilishi tomonidan himoyaga tavsiya etildi.