Hurmatli mualliflar!

“ISFT” Ilmiy-uslubiy jurnali tahririyati fan nomzodlari va fan doktorlari, yosh olimlar, ilmiy tadqiqot olib borayotgan izlanuvchilar, mustaqil tadqiqotchilar, professor-o‘qituvchilar, magistrantlar hamda talabalarni jurnalimizda ilmiy maqolalarini chop etishga taklif etadi. Tahririyatga taqdim etilgan barcha materiallar jurnal Tahrir hay’ati tomonidan majburiy ekspertizadan o‘tkaziladi. Faqat tahririyat tomonidan ma’qullangan maqolalar nashr etiladi.

Har bir taqdim etiladigan maqolaning hajmi 8–10 bet bo‘lishi lozim. Maqolalar va tegishli hujjatlar jurnal@isft-ilm.uz elektron manzili orqali qabul qilinadi.

---

 

Muallif tomonidan taqdim etilishi zarur bo‘lgan ma’lumotlar:

• Familiyasi, ismi, otasining ismi (to‘liq);

• Ilmiy darajasi (mavjud bo‘lsa);

• Ilmiy unvoni (mavjud bo‘lsa);

• Ish joyi va lavozimi (tashkilot yoki OTMning to‘liq nomi, shahar va mamlakat ko‘rsatilgan holda);

• Elektron pochta manzili;

• Telefon raqami (mobil va/yoki uy).

---

 

Maqolani rasmiylashtirishga qo‘yilgan talablar:

• Matn muharriri — Microsoft Word;

• Maqola hajmi — 0,5–1 bosma taboq (yoki 7000–9000 so‘z);

• Format — A4;

• Sahifa chetlari — har ikki tomondan 2 sm;

• Shrift — Times New Roman;

• Shrift kattaligi: maqola matni — 14, metama’lumotlar — 14;

• Qatorlar oralig‘i — 1,5;

• Xat boshi (abzats) — 1,25;

• Matn joylashuvi — kengligi bo‘yicha tekislangan, so‘zlarni keyingi satrga ko‘chirmasdan, sahifa osti havolalarsiz;

• Grafik materiallar va jadvallar — oq-qora rangda;

• Maqola nomi — bosma harflarda, sahifaning markazida joylashtiriladi;

• Muallifning F.I.O., ish (yoki o‘qish) joyi haqidagi ma’lumotlar — maqolaning yuqori qismida o‘ng tomonda, kursiv va kichik harflarda beriladi;

• Annotatsiya — o‘zbek, rus va ingliz tillarida (12 shrift, 1 interval), hajmi 150–200 so‘z, unda mavzuning tasnifi, tadqiqot maqsadi, erishilgan natijalar va ilmiy yangilik yoritiladi;

• Kalit so‘z va iboralar — kamida 5–7 ta, uch tilda (o‘zbek, rus, ingliz);

• Maqola tuzilmasi quyidagi bo‘limlardan iborat bo‘lishi shart: Kirish, Metodologiya, Asosiy natijalar va Muhokama (Xulosa).

---

 

Kirish bo‘limida mavzuning dolzarbligi, yangiligi, tadqiqot maqsadi va vazifalari bayon etiladi.
Metodologiya bo‘limida tadqiqotda qo‘llanilgan usullar yoritiladi.
Asosiy natijalar bo‘limida olingan ilmiy natijalar keltiriladi; zarur hollarda jadval, diagramma va statistik tahlillardan foydalaniladi.
Xulosa bo‘limida natijalar umumlashtiriladi, yakuniy xulosalar, tavsiyalar va takliflar beriladi.

Muallifning ismi-familiyasi maqola matnida A. N. Nurmatov, adabiyotlar ro‘yxatida esa Nurmatov A. N. ko‘rinishida rasmiylashtiriladi.
Matndagi havolalar quyidagi shaklda beriladi: [1; 195], [3; 20, 7; 68], [4].
Foydalanilgan adabiyotlar ro‘yxati alifbo tartibida, 12 shriftda rasmiylashtiriladi va faqat maqolada foydalanilgan manbalarni o‘z ichiga olishi lozim.