2026-yil 26-avgust kuni ISFT institutida navbatdagi kengash yig‘ilishi bo‘lib o‘tdi. Unda professor-o‘qituvchilar, rahbariyat va bo‘lim rahbarlari ishtirok etishdi.

 

Yig‘ilishda institutning yangi o‘quv yili uchun ustuvor vazifalar belgilab olindi. Ta’lim sifatini yanada yuksaltirish, talabalar uchun yaratilayotgan imkoniyatlarni kengaytirish, shuningdek, ilmiy-tadqiqotlar va innovatsiyalarni rivojlantirish bo‘yicha muhim tashabbuslar ilgari surildi.

 

ISFT instituti jamoasi har yili bo‘lgani kabi, bu safar ham yangi o‘quv yilini katta marralar sari intilish va yangicha g‘oyalar bilan qarshi olmoqda. Yig‘ilish davomida so‘zga chiqqanlar ta’lim jarayonini zamonaviy standartlarga moslashtirish, kadrlar salohiyatini mustahkamlash hamda talabalarning har tomonlama rivojlanishi uchun qulay sharoit yaratish masalalariga alohida to‘xtalib o‘tishdi.

 

Tadbir yakunida institut jamoasi oldida turgan dolzarb vazifalar yana bir bor eslatib o‘tildi. Yig‘ilishni Institut rektori Ibrohim G‘ulomov yakunlab, barcha professor-o‘qituvchilarni yangi o‘quv yilidagi samarali faoliyatga chorlab, muvaffaqiyatlar tiladi.