International School of Finance Technology and Science (ISFT) institutida mustaqil izlanuvchilik asosida ilmiy faoliyat olib borish istagini bildirgan talabgorlar uchun kirish imtihon suhbati tashkil etildi. Mazkur tadbir institutda ilmiy-tadqiqot faoliyatini rivojlantirish, yuqori malakali ilmiy kadrlar zaxirasini shakllantirish hamda mustaqil tadqiqotchilar safini kengaytirish maqsadida o‘tkazildi.

Tanlov jarayonida quyidagi ixtisosliklar bo‘yicha talabgorlar suhbatdan o‘tkazildi:
— 08.00.07 — Moliya, pul muomalasi va kredit;
— 08.00.08 — Buxgalteriya hisobi, iqtisodiy tahlil va audit;
— 09.00.04 — Ijtimoiy falsafa;
— 19.00.05 — Ijtimoiy psixologiya. Etnopsixologiya;
— 19.00.06 — Yosh va pedagogik psixologiya. Rivojlanish psixologiyasi.

Suhbat davomida talabgorlarning tanlangan mutaxassislik bo‘yicha nazariy va amaliy bilimlari, ilmiy-tadqiqot metodologiyasini egallaganlik darajasi, innovatsion yondashuvi hamda ilmiy salohiyati atroflicha baholandi.

Shuningdek, nomzodlarning ilmiy izlanishlar olib borish qobiliyati, tadqiqot mavzularining dolzarbligi, ularning ilmiy va amaliy ahamiyati, shuningdek, mustaqil ilmiy fikrlash ko‘nikmalari mutaxassislar tomonidan tahlil qilindi.

Mazkur kirish imtihon suhbati mustaqil izlanuvchilikka eng munosib nomzodlarni aniqlash va saralab olishda muhim ahamiyat kasb etdi.