ISFT instituti bilan hamkorlikda "O‘zbekistonda yashil buxgalteriya hisobi: barqarorlik va moliyaviy hisobotning xalqaro standartlari" mavzusida xalqaro ilmiy-amaliy anjuman bo‘lib o‘tdi. Unda partiya rahbarining birinchi o‘rinbosari Baxriddin Xofizov ham o‘z ma’ruzasi bilan ishtirok etdi.

Anjumanda yashil buxgalteriya hisobi va barqaror moliyaviy boshqaruvni rivojlantirish O‘zbekistonning iqtisodiy va ekologik barqarorligiga ijobiy ta’sir ko‘rsatishi, shuningdek, resurslardan samarali foydalanish, atrof-muhitni muhofaza qilish va ijtimoiy mas’uliyatni oshirishi to‘g‘risida so‘z yuritildi.

Anjuman doirasida O‘zbekiston Ekologik partiyasi va ISFT instituti o‘rtasida hamkorlik memorandumi ham imzolandi. 

Ma'lumot o‘rnida: Yashil buxgalteriya hisobi atrof-muhitga ta’sirni hisobga olgan holda, iqtisodiy faoliyatni samarali va barqaror boshqarishni ta’minlash uchun qo‘llaniladi. Bu uslubda kompaniyalar va tashkilotlar ekologik, ijtimoiy va iqtisodiy ta’sirlarni moliyaviy hisobotlarda aks ettiradi.