2026-yil 13-aprel kuni ISFT institutida Oliy ta’lim, fan va innovatsiyalar vazirligi, Vazirlik huzuridagi Talaba va o‘quvchilarning ijtimoiy faolligini oshirish markazi hamda hamkor tashkilotlar tomonidan “Ilhom” mukofoti (https://lex.uz/docs/-4966474) tanlovi o‘tkaziladi.

 

“Ilhom” mukofoti shoirlar va yozuvchilarning hayoti hamda ijodini o‘rganish, ularning asarlarini tarjima qilish, ilmiy tadqiqotlar olib borish hamda kino va sahna asarlarini yaratish yo‘nalishlarida eng yuqori natijalarga erishgan yoshlarga beriladi.

 

Tanlov oliy ta’lim muassasalari miqyosida test sinovlari orqali o‘tkaziladigan dastlabki saralash bosqichi hamda respublika miqyosidagi asosiy (ilmiy-ijodiy natijalar va yutuqlar) bosqichlardan iborat.

 

Shoir va yozuvchilar hayoti hamda ijodi asosida kino yoki sahna asarlari yaratgan, adiblar hayoti va ijodi bo‘yicha ilmiy tadqiqotlar olib borgan yoshlarga rektor tavsiyanomasi asosida test sinovlarisiz ishtirok etish imkoniyati beriladi.

 

Tanlov g‘oliblari Oliy ta’lim, fan va innovatsiyalar vazirligi tomonidan maxsus diplom, statuetka hamda quyidagi miqdordagi pul mukofotlari bilan taqdirlanadi:
1-o‘rin — BHMning 100 barobari
2-o‘rin — BHMning 80 barobari
3-o‘rin — BHMning 40 barobari