O‘zbekiston Respublikasi Oliy ta’lim, fan va innovatsiyalar vazirligi tomonidan 2025/2026-o‘quv yili uchun respublika oliy ta’lim muassasalarining bakalavriat bosqichi talabalari o‘rtasida O‘zbekiston Respublikasi Prezidenti hamda nomli davlat stipendiyalarini tayinlash to‘g‘risida tegishli buyruq qabul qilindi.

Mazkur buyruqqa muvofiq, institutimizning ikki nafar talabasi eng nufuzli davlat stipendiyalariga munosib deb topildi.

Jumladan, 4-kurs talabasi Abduraxmanova Movluda O‘zbekiston Respublikasi Prezidenti stipendiyasi, 3-kurs talabasi Abdurahmonova Munisa esa Islom Karimov nomli davlat stipendiyasi sohibasi bo‘ldi.

Institut jamoasi stipendiya g‘oliblarini ushbu yuksak yutuq bilan samimiy qutlab, ularning kelgusidagi o‘qish va kasbiy faoliyatida ulkan muvaffaqiyatlar tilaydi.