“Bir sayyora, bir maqsad!” shiori ostida ISFT institutida Barqaror rivojlanish maqsadlari (SDG)ga bag‘ishlangan Aprel oyligi davom etmoqda. Mazkur tashabbus doirasida talabalar hamda professor-o‘qituvchilar uchun barqarorlik, tenglik va inklyuziv rivojlanish mavzulariga bag‘ishlangan mazmunli uchrashuv va ma’ruzalar tashkil etilmoqda.

 

22-aprel kuni soat 10:00 da,  ISFT kutubxonasida Nilufar Kayumova ishtirokida navbatdagi ma’ruza bo‘lib o‘tadi. U O‘zbekistondagi Xalqaro mehnat tashkiloti (ILO)da Bandlik bo‘yicha milliy loyiha mutaxassisi sifatida faoliyat yuritadi. Moliya, gender tahlili va UNDP tizimidagi faoliyati davomida orttirgan tajribasiga tayangan holda, spiker ushbu uchrashuvda SDG 5 — Gender tengligi hamda SDG 8 — Munosib mehnat va iqtisodiy o‘sish mavzulari yuzasidan o‘z fikr va tajribalari bilan o‘rtoqlashadi.

 

Mazkur tadbir ishtirokchilarga inklyuziv mehnat bozori, teng imkoniyatlar tamoyili va ijtimoiy-iqtisodiy inklyuziyani ta’minlashda turli institutlarning o‘rni haqida foydali ma’lumotlar beradi.

 

Sana va manzil:

22-aprel, 2026-yil, soat 10:00-11:30

ISFT instituti, asosiy bino, kutubxona

 

Barcha qiziquvchilarni ushbu tadbirda faol ishtirok etishga chorlaymiz.