2026-yil 25-aprel kuni ISFT instituti, Toshkentdagi Bucheon universiteti, Toshkent davlat iqtisodiyot universiteti hamda Toshkentdagi Singapur menejmentni rivojlantirish instituti (MDIS) hamkorligida Toshkent shahridagi Founders Hub maydonida Universitetlararo xakaton tashkil etildi. Tadbir BMT Taraqqiyot Dasturining O‘zbekistondagi vakolatxonasi (UNDP Uzbekistan), Founders Hub va AI Station bilan hamkorlikda o‘tkazildi.

Xakatonda 15 nafar talaba, 4 ta jamoaga bo‘lingan holda ishtirok etdi. Bir kunlik intensiv jarayonda talabalar moliyaviy texnologiyalar (FinTech) va elektron tijorat (E-commerce) sohalariga oid real muammolar ustida ishlab, innovatsion yechimlar ishlab chiqdi va yakunda o‘z loyihalarini ekspertlar hay’atiga taqdim etdi. Hay’at tarkibida Aziza Satybaldyeva, Axror-Murod Zikrillo va Umed Rakhimov ishtirok etdi.
Mazkur tashabbus SDG 4 (Sifatli ta’lim), SDG 8 (Munosib ish o‘rinlari va iqtisodiy o‘sish) hamda SDG 17 (Hamkorlik orqali rivojlanish) maqsadlariga xizmat qiladi. ISFT amaliy bilimlarni rivojlantirish va ta’lim hamda sanoat o‘rtasidagi hamkorlikni mustahkamlashga sodiq qoladi.