2026-yil 11-noyabr kuni ISFT institutida Ilmiy ishlar va innovatsiyalar bo‘yicha prorektor T. Azizov hamda institut kafedra mudirlari ishtirokida ilmiy faoliyatga oid dolzarb masalalar yuzasidan uchrashuv bo‘lib o‘tdi.

Uchrashuv davomida institutda joriy yil davomida amalga oshirilgan ilmiy ishlar, ilmiy konferensiya va anjumanlarni tashkil etish, professor-o‘qituvchilarning ilmiy faolligini oshirish hamda kafedralarning ilmiy salohiyatini rivojlantirish masalalari muhokama qilindi.
Shuningdek, 2027-yil uchun ilmiy faoliyat istiqbollari, xalqaro va respublika miqyosidagi ilmiy anjumanlarni tashkil etish, ilmiy tadqiqotlarni rivojlantirish hamda yangi ilmiy tashabbuslarni amalga oshirish bo‘yicha rejalar yuzasidan fikr almashildi.
Uchrashuv yakunida institut ilmiy faoliyatini yanada takomillashtirish, ilmiy natijadorlikni oshirish va kelgusi yil uchun belgilangan vazifalarni samarali amalga oshirish masalalariga alohida e’tibor qaratildi.