“ISFT” instituti ilmiy-uslubiy jurnalining navbatdagi 3-soni nashr qilindi. Ushbu sondan respublikamizning yetakchi olimlari va institumiz tadqiqotchilarining iqtisodiyot, pedagogika, filologiya, aniq fanlar, tarix va huquq mavzularidagi maqolalari o‘rin olgan. Mazkur sonda iqtisodiyot fanlari doktori, professor Farida Xamidovaning hudud va korxonalarni ijtimoiy-iqtisodiy rivojlantirishda iqtisodiy xavfsizlikni taʼminlashning ahamiyati, iqtisodiyot fanlari doktori, professor Mansur Eshovning kompaniyalarda korporativ boshqaruv tizimi sifatini oshirish uslubiyatini takomillashtirishga bag‘ishlangan maqolalari, tarix fanlari doktori Feruz Boboyevning yaqin o‘tmishimizning qora sahifalari yoritilgan maqolasi, filologiya fanlari bo‘yicha falsafa doktori Charos Abdullayevaning reklama diskursida lingvistik ijodkorlikning sotsiolingvistik omillari tahlil qilingan maqolasi va boshqa qiziqarli mavzulardagi maqolalarni mutolaa qilishingiz mumkin. Shuningdek, ushbu sondan boshlab iqtidorli talabalar va magistrantlar uchun maxsus “Talaba minbari” ruknini tashkil etganimizni ma’lum qilamiz. Mazkur ruknda institumizning iqtidorli talabasi Sevinch Nuriddinovaning kompaniya muvaffaqiyatida ichki auditning ahamiyati asoslab berilgan tadqiqoti o‘rin olgan.

Jurnal tahririyati institut jamoasi va keng kitobxonlar ommasini jurnalimizning navbatdagi soni bilan yaqindan tanishishga taklif qiladi. Jurnal to‘liq shaklda isft-ilm.uz manzili orqali mutolaa qilishingiz mumkin.