ISFT institutida talabalarning xorijiy tillarni o‘rganishga bo‘lgan qiziqishini oshirish, ularning bilim va ko‘nikmalarini mustahkamlash, iqtidorli yoshlarni aniqlash hamda qo‘llab-quvvatlash maqsadida tashkil etilgan “Xorijiy tillar fan olimpiadasi” o‘z yakuniga yetdi.

Olimpiada davomida ishtirokchilar xorijiy tillar bo‘yicha o‘z bilim va salohiyatlarini namoyish etib, bilim, intilish va mehnatlarini sinovdan o‘tkazdilar. Qizg‘in va murosasiz bellashuvlar yakuniga ko‘ra, 1-o‘rin Vahobova Muslima (26-FL-01), 2-o‘rin Mirsaidova Muslima (13-IAAF-01) hamda 3-o‘rin G‘ofurova Mubina (25-FL-03) tomonidan egallandi.
Olimpiada g‘oliblarini taqdirlash marosimi 15-oktabr kuni soat 11:00 da ISFT institutining asosiy binosi, 108-xonasida bo‘lib o‘tadi. Taqdirlash marosimida g‘olib talabalar o‘zlarining munosib natijalari uchun taqdirlanadilar.
ISFT instituti barcha g‘oliblarni ushbu yutuq bilan samimiy muborakbod etadi hamda ularga kelgusidagi ta’lim, ilmiy izlanish va kasbiy faoliyatida ulkan muvaffaqiyatlar tilaydi. Yoshlarning bilimga bo‘lgan intilishi va tashabbuslarini qo‘llab-quvvatlashga qaratilgan bunday tadbirlar ularning intellektual salohiyatini yanada rivojlantirishda muhim ahamiyat kasb etadi.