2026-yil 15-oktyabr kuni International School of Finance Technology and Science (ISFT) institutida Ilmiy-uslubiy kengash yig‘ilishi bo‘lib o‘tdi.

Yig‘ilish boshlanishidan avval institutning iqtidorli va faol talabalari erishgan yutuqlari uchun taqdirlanib, ularga esdalik sovg‘alari topshirildi. Ushbu e’tirof talabalarning ilmiy va akademik faoliyatini qo‘llab-quvvatlash hamda ularni yangi yutuqlarga rag‘batlantirishga qaratildi.
Kengash kun tartibidan 2026/2027-o‘quv yili uchun kengash va ekspert komissiyasi tarkiblarini hamda ish rejalarini tasdiqlash, o‘quv jarayonini tashkil etish, zamonaviy talablar asosida o‘quv adabiyotlarini ishlab chiqish, kafedralarning nashr rejalari va o‘quv adabiyotlari bilan ta’minlanganlik masalalari o‘rin oldi.
Shuningdek, professor-o‘qituvchilarning o‘quv-uslubiy va ilmiy faoliyatini takomillashtirish, ilmiy-amaliy anjumanlarni tashkil etish hamda institut Ilmiy-uslubiy jurnaliga professor-o‘qituvchilarni keng jalb qilish masalalari muhokama qilindi.
Yig‘ilish yakunida ko‘rib chiqilgan masalalar yuzasidan tegishli vazifalar va tavsiyalar belgilandi.